Karavaanpark

Ons het 34 ruim 12 ×12  m staanplekke beskikbaar, elk met sy eie kragpunt en watervoorsiening. Elke staanplek is toegerus met ‘n boma en verskuifbare braaier, sodat jy en jou gesin in privaatheid kan ontspan en die rustigheid van die bosveld ten volle kan geniet.

Ons ablusieblokke is netjies, modern en ingerig vir die hele gesin se gemak. Dit beskik oor skoon en goed onderhoude familiebadkamers, asook ’n dames-voorbereidingsarea met spieëls, kragpunte en sitplek vir daardie ekstra bietjie gerief. Die blokke word daagliks tussen 06:00 en 21:00 skoongemaak en is rolstoelvriendelik, met staanplekke 28, 29 en 30 wat spesiaal vir rolstoelgebruikers ingerig is.

Ons standaard kampregulasies is nie klippe in jou skoen nie, maar eerder praktiese riglyne wat ‘n aangename en ryker ervaring vir al ons gaste verseker. Die bosveld se naggeluide word bo oor harde musiek verkies, en ons vra dat elke gas die ongerepte sjarme van die natuurskoon nie net bewonder nie maar ook ten volle respekteer.

Wild Whisper bied ’n elegante, selfversorg bosveldwegbreek waar jy die natuur in sy volle luuksheid kan beleef. Die privaatkamp beskik oor twee slaapkamers, elk met ‘n koningin-grootte bed en 2 enkelbeddens. Elke kamer spog ook met sy eie badkamer.

’n Privaat plonspoel en ’n boma met eenvoudige kombuisgeriewe skep die ideale ruimte om te ontspan, terwyl die volledig toegeruste kombuis (met gasstoof, yskas/vrieskas, mikrogolfoond en breekware) perfek is vir selfversorging.

’n Knisperende kaggel en ’n braaiplek nooi almal saam vir gesellige aandure onder die sterre. Hier kan jy die perfekte balans tussen natuur en gemak geniet.

Op soek na ’n privaat wegbreekplek vir jou familie of vriendegroep? Die Boskamp bied ’n luukse kampeerervaring, net ’n klipgooi van die karavaanpark af.

Heirdie kampeerterrein fasiliteer tot 12 gaste en 3 voertuie, en is toegerus met elektriese kragpunte, waterpunte en ’n netjiese bosbadkamer. In die middel van die staanplek strek ’n groot boom sy takke oor die kamp, perfek vir luilekker middae in die koelte.

Omring deur die bos se stilte, die oggend se voëlgesang en die glinster van die naghemel, is dit die ideale wegbreekplek vir diegene wat die natuur ongesteurd wil waardeer.